Самитот се одржува во многу тешко време за Аргентина. Годинава инфлацијата во Аргентина достигна околу 40 отсто, а економијата е во пад. На аргентинскиот претседател Маурисио Макри, поборник на слободниот пазар, популарноста му опаѓа паралелно со падот на вредноста на националната валута пезетата и намалувањето на куповната моќ на просечниот Аргентинец.

Се противиме на политиките на Г20, која го води светот во поделби. Во Аргентина и во остатокот од светот недостига образование, храна и работа, поради политиките за кои се разговара на самитот, изјавил демонстрант, пренесува Ројтерс.

Демонстрантите беа далеку од челниците на САД, Русија, Кина и другите глобални сили кои дојдоа на самитот за кој се очекува дека дополнително ќе биде доминанто преокупиран со американско-кинеската трговска војна.


Полицијата, крајбрежната стража и граничните патроли контролираат област од 12 квадратни километри а владата соопшти дека 25.000 полицајци се подготвени да реагираат доколку избувнат насилства.