Рафаел Надал и Роџер Федерер немаа проблеми да се пласираат во третото коло на турнирот во Индијан Велс. Шпанецот го совлада Американецот Џаред Доналдсон за 73 минути, а во нив Надал не остави сомнеж во супериорноста над противникот. Вториот рекет успеа да забележи 5 брејка против Доналдсон и мирно го очекува третиот круг на турнирот каде ќе игра со Аргентинецот Диего Шварцман, кој победи со 6:3, 6:1 против Роберто Карбаљес.

Федерер имаше малку повеќе работа со германецит Петер Гојовчик победувајќи го со 6-1 и 7-5. Во првиот сет Федерер се „прошета“, додека пак во вториот се соочи со многу поголем отпор од противникот кој поведе со 3-1 во гемови, па Рожер „мораше да се испоти“, а со тоа обезбеди трета рунда во која ќе се соочи со својот сонародник Стен Вавринка.

Тој пак, исто така, се квалификуваше за следната етапа. Швајцарецот, кој во моментов го зазема 40-тото место на светската АТП листа, го надигра со 6:4, 6:7 (5), 7:5 Унгарецот Мартоњ Фучович во еден од најинтересните натпревари за денот.

За третиот круг на турнирот се рангира и осмиот носител Џон Иснер. Американецот победи со 6:0, 6:2 против Австралиецот Алексеј Попирин за помалку од еден час игра.

Хрватот Марин Чилиќ, ставен под број 10 во шемата, го победи Србинот Душан Лајовиќ со 6:3, 6:4 и во следната фаза ќе се сретне со Канаѓанецот Денис Шаповалов, кој триумфираше со истиот резултат над Американецот Стив Џонсон.

Натпреварите на женскиот турнир ги заврши Серена Вилијамс која од здравствени прични го предаде мечот со Мугуруза. При резултат 6:3, 1:0 во корист на Шпанката, Серена направи тешка одлука да не го продолжи мечот. Претходно таа се консултираше со лекар и тренерот, а потоа се повлече од турнрот.

Во следниот круг, Мугуруса ќе се соочи со Кики Бертенс, која ја совлада Јоана Конта со 7:6, 6:4. Во следното коло се пласираа и Барти, Свитолина, Андреску, Халеп, Ванг и Вондроусова.