Клеј Томсон беше во апсолутно неверојатен шутерски ритам станувајќи вториот кошаркар во историјата кој погодил 10 последователни шутеви за три поени без промашување. Пред Томсон, единствен кому му успеа да погоди 10 тројки по ред беше Тај Лоусон.

Бекот на Голден Стејт вориорс, ги реализира своите 10 први тројки на дуелот против Лос Анџелес лејкерс, завршувајќи го мечот со 44 поени и шут од игра 17 од 20, меѓу кои и 10 од 11 за три поени, а се тоа за само 27 минути поминати на паркетот.


Со таквиот перформанс, Томсон ги предводеше „воините до лесен триумф од 130-111. Освен него одлична партија пружија и Кевин Дурант со 20 поени и Стеф Кари со 12 асистенции. Како тим, играчите на Голден Стејт имаа 41 асистенција за 50 реализирани шутеви од игра.

Резултати од синоќешните натпревари:

ЛА Лејкерс – Голден Стејт  111-130

Њујорк – Оклахома сити  109-127

Кливленд – Чикаго  88-104

Вашингтон – Детроит  101-87

Милвоки – Далас  116-106

Атланта – Орландо  103-122

Бруклин – Сакраменто  123-94

Мемфис – Њу Орлеанс  85-105

Бостон – Мајами  107-99

Филаделфија – Хјустон  121-93

Јута -Портланд  104-109