Ако до пред десетина години Албанија беше асоцијација на сиромаштија и запоставеност сега веќе не е така. И тоа не само за приморјето туку и за малечките гратчиња како Поградец.

Поградец

Овој трет град град на Охридското езеро забрзано се развива. Да, сѐ уште не е на ни нивото на Охрид, но каде и да е за некоја година ќе го стигне, а Струга ја има веројатно престигнато.

Кога преку граничниот премин Св.Наум за дваесетина минути ќе стигнете првото што ве пречекува е сообраќајниот ред и средените улици и тротоари. Паркинг може лесно да се најде а чини половина евра за еден час.

Поградец
Албанија

Истата слика е и на шеталиштето долж езерото.  Чисто, уредно, нема ѓубре. Забележително беше што на плажите немаше капачи, но затоа врвулица во кафулињата и рестораните.

Поградец Албанија

Цените, за разлика од Охрид се сосема пристојни. Кафе евро и половина, сокови две евра, а можете да платите и во денари ако немате леки.

Во рестораните служат и морска и езерска риба. Порција охридска пастрмка чини околу 11 евра, белвица 10. Бургерите се 3,5 евра а помфрит три.

Ако во минатото луѓето од граничните места доаѓаа во Македонија да пазарат сега воопшто не е така. Маркетите се преполни со роба а цените се исти како кај нас. Производите претежно се италијански но има и хрватски и македонски.

Маркет Албанија

Кога со отворени очи ќе се анализира до каде е Албанија можеби не се нереални прогнозите на премиерот Еди Рама дека до 2030 година може да станат членки на ЕУ.