Георгиос Франгулис е основач на брендот за суперхрана Oakberry, познат по своите производи асаи, кој има повеќе од 700 продавници низ целиот свет. Покрај неговиот деловен успех, Георгиос е и страствен љубител на автомобилски трки и учествува во натпреварите Porsche GT3 Cup Challenge. Тој е новиот дечко на Арина Сабаленка.

Арина и Георгиос често споделуваат заеднички моменти на социјалните мрежи, а тој е редовен гостин на нејзините натпревари.

Тој е роден и израснат во Сао Паоло, но неговото семејство е по потекло од Солун, Грција. Студирал право на Универзитетот Fundação Armando Alvares Penteado (FAAP), но никогаш не полагал правосуден испит.

Секогаш знаев дека нема да бидам адвокат. Се запишав на право затоа што чувствував дека може да ми помогне во која било област. Она што навистина го сакав беше да бидам претприемач – изјави тој за Forbes Brazil.

По дипломирањето во 2014 година, прво се пресели во Мајами, а потоа во Венис Бич, Калифорнија.

Често одам во црква, разговорот со Бога ми е угоден. Подеднакво бев под влијание на двете страни на семејството. Духовниот аспект и интуицијата многу ми значат – изјави тој за Форбс.