Заменик министерот за надворешни работи, Андреј Жерновски на комисиската расправа читаше делови од програмата на ВМРО-ДПМНЕ каде што се наведува дека бараат референдум и дека тоа е за поздравување, но дека не треба кога се во опозиција да бегаат од него.

Се додека Грција не го изгласа Договорот во Парламентот и не го потпише протоколот за НАТО тој нема да стапи во сила – убедуваше Жерновски на обвинувањето дека Македонија не е заштитена доколку од какви било причини договорот не добие поддршка во Грција.