Ковачевски не може да ја сокрие нервозата. Таа е толку очигледна на секое негово јавно појавување, а особено на денешното интервју. Тоа е резултатот на лажната реалност која ја презентира, а во која ни самиот не верува. Мисли дека ако купил едно пакување макарони со многу помпа и камери, знае како живеат граѓаните. Очигледно ниту знае, ниту ја чувствува инфлацијата која ги изеде платите и стандардот на граѓаните. Неговите статистички гимнастики не може да ја заменат горчливата реалност на луѓето кои имаат се помалку пари да си ги приуштат работите кои можела да ги купат пред 2, 5 или 10 години. Спектакуларното намалување на тестенините за неколку денари, е несразмерно за континуираниот рас на цените кој трае повеќе од година, растот на цената на струјата, горивата итн – реагираат оф ВМРО-ДПМНЕ.

Опозицијата вели дека јавноста не ни очекувала Ковачевски да каже некоја стратегија или долгорочен план, бидејќи, велат, како што најавуваат неговите газди во Владата тој е само едно преодно решение во Владата кое го чува столчето за некој нов премиер во наредните месеци.

Плејстејшн политичарот Ковачевски, како го вклучија така и ќе го исклучат од Владата, со притискање на едно копче, било тоа да е во Муртино или во Мала Речица – посочуваат од ВМРО-ДПМНЕ.