Барањата на Бугарија не смее да станат дел од преговарачката рамка, Ковачевски да не молчи и да каже дали одобрил откажување од Делчев, ова денеска преку соопштение до јавноста го прашуваат од ВМРО-ДПМНЕ.

Ковачевски молчи и не прави ништо за Македонија. Бугарските барања за ставање на нивните ултиматуми и уцени во преговарачката рамка која ќе треба да ја исполни земјава при влез во ЕУ се заглавување на Македонија и можност Бугарија да бара нови и нови отстапки кога ќе посака, а сето тоа да го правда како обврска за влез во ЕУ. ВМРО-ДПМНЕ нема да поддржи ставање на бугарските барања во преговарачка рамка, доколку тоа треба да биде гласано во собранието. Прифаќање на таква рамка е капитулација за државата, велат од партијата.

Од таму велат, Ковачевски да не молчи и да каже и дали одобрил откажување од Гоце Делчев.

Ковачевски, како и  за се до сега, молчи и за преговарачката рамка која сакаат да ја наметнат Бугарите и за Делчев. Ковачевски не направи ништо за државата откако е премиер. Само порази и неуспеси. Затоа се потребни предвремени парламентарни избори час поскоро, стои во партиското соопштение.