Мицкоски побегна од лидерска средба, но од правдата нема бегање. Мицкоски нема да може да го одбрани криминалот на Никола Груевски, вистинскиот негов шеф, се вели во денешното соопштение на СДСМ.

„СДСМ докажа дека за нас криминалот не познава партиски бои. Новиот предложен текст на Законот за Јавно обвинителство е уште една потврда за тоа.

Мицкоски и ВМРО-ДПМНЕ го бранат криминалот а СДСМ бескомпромисно се бори против криминалот и корупцијата“, стои во соопштението.

СДСМ истакнува дека сите случаи кои се пред судовите, за кои СЈО е надлежно согласно закон, ќе ги продолжат, нив ќе ги застапува новото ЈО.

„Одговорност за сите овие предмети ќе има. Нема одбрана на криминалот на Никола Груевски и режимот. Секој што го прекршил законот ќе се соочи со правдата“, стои во истото соопштение.