Микробиологот д-р Никола Пановски смета дека малата сума што ја платила државата за заштита од корнавирусот, неспоредбено многу помалку во однос на останатите земји-членки на ЕУ и земји-кандидати од Западен Балкан за добивање на помош од европскиот солидарен фонд, е поради тоа што разликата ја платиле граѓаните од сопствениот џеб.
Македонија во рок од првите четири месеци од пандемијата требаше да потроши минимум 30 милиони 852 илјади евра согласно проекцијата на ЕУ за да добие 771 илјада и 300 евра од Фондот за солидарност на Унијата. Но фрапираше податокот од Секретаријатот за европски прашања предводен од Никола Димитров дека државата потрошила само нешто повеќе од 7 милиони евра.
Граѓаните ќе беа поштедени од плаќање, а сигурен сум дека имапе поголема потреба од овие 200.000 тестирања. Ќе беше рамномерно тестирањето, а тогаш се тестираа тие само што имаа средства. Побогатите општини имаа повеќе заболени и се правеше лажна слика, вели професорот за Сител.
Пановски вели дека и натаму се плаќа висока сума од приватен џеб за D-димери, а во приватните клиники лекувањето е и до 20.000 евра, додека домашното лекување понекогаш чини 500 евра.
Од досегашните тестирања, 250.000 граѓаните сами си ги платиле, а изразено во сума тоа е 10 милиони евра.
Comments are closed for this post.