Претседателот Стево Пендаровски да ја преиспита одлуката за назначувањето на Еролд Муслиу за директор на Агенцијата за разузнавање, изјави вицепремирот Бујар Османи, изразувајќи ја вознемиреноста на ДУИ.

Вчерашната одлука на претседателот Пендаровски за назначување на директорот на Агенцијата за разузнавање не вознемири сите и стави сенка на вчерашниот ден кога Собранието ја донесе реформата на безбедносните служби. Нашите информации се дека одлуката се базира на недоволни информации и не е злонамерна. Ставот на ДУИ е дека додека не се расветлат до крај кумановските настани ниту еден човек, кој бил дел од службите на Иванов, не треба да биде на чело на такви сензитивни институции. Очекуваме дека претседателот ќе собере повеќе информации и ќе рефлектира по однос на неговата одлука, рече Османи.