Во Министерството за надворешни работи  денеска бил повикан амбасадорот на Унгарија во Република Македонија, Ласло Дукс, на средба кај државниот секретар Виктор Димовски.

Целта на средбата беше предавање на протестна нота од македонска до унгарска страна, а по повод последните информации поврзани со бегството на Никола Груевски и неговото барање за азил во Унгарија, соопштија од МНР.

Димовски изразил надеж дека Унгарија во случајот со неговото бегство и барањето политички азил ќе постапи во духот на добрите билатерални односи и на европските вредности и принципи поврзани со владеење на правото.

Во тој контекст веднаш и без одлагање ќе го отфрли барањето за добивање на азилантски статус на осуденикот и бегалец од правдата Никола Груевски и истиот ќе го предаде на Република Македонија, заради извршување на изречената казна затвор, како и продолжување и завршување на останатите судски постапки против него, стои во соопштението.