Мицкоски: Поставувањето врвен професионалец на чело на МВР не е природна средина за челниците на Власта

29.12.2019 / 20:28

Поставувањето на врвен професионалец на чело на МВР без ниту една дамка во кариерата не е природна средина за челниците на Власта. Наместо ова да биде правило во нормална држава, ваквиот предлог се доживува за исклучок, и затоа е голем отпорот во власта, смета лидерот на ВМРО-ДПМНЕ, Христијан Мицкоски.

Како што напиша тој на фејзбук, тоа што насушно и треба на Македонија е професионалците кои оваа влада сега ги става на маргините, да им се даде шанса да ги превземат работите во свои раце.

– Фактите говорат дека оние кои се огрешиле спрема законот се плашат од професионалец кој ќе ги открие, разобличи и ќе се бори против нив.
Заев и СДСМ очекува решение за човек кој мислат дека ќе го држат во рака за да продолжат со нивните комбинации. А ние со ваков предлог сакаме да направиме дисконтинуитет хаосот кој Заев и Спасовски со лошото менаџирање во МВР го создаде во државата, дисконтинуитет на рекетите под државна капа, клановите блиски до власта кои спроведуваат криминал, дисконтинуитет на бандитизмот кој се шири низ улиците, заплените автомобили, дрогата која е на секој чекор. И ВМРО не отстапува од борбата против сето ова.
Она што ми е поважно од тоа да се избере решение кое ќе му се допадне на Заев, е да се бори против криминалците и да и служи на Македонија – напиша Мицкоски.

Тој изрази благодарност што многумина чесни луѓе изразиле поддршка за пристапот при изборот на кандидат без ниту една црна дамка во кариерата и истакна дека тоа го охрабрува во партијата да продолжат со заложбата за борба против корупцијата, криминалот и мафијата која е спрега на политика, криминализиран дел од полициското подземје и бандитите на улиците кои одработуваат за власта.

Мицкоски истакнува дека ВМРО-ДПМНЕ и тој како нејзин претседател, веруваат во професионалците кои се дел од нашите институции, во чесните луѓе кои се разочарани од оние кои гледаат на политиката низ призма на само личен интерес и воедно имаат надеж дека доаѓаат луѓе кои ќе се борат за да сето ова го променат и да вратат ред и поредок во државата.

– Знам дека вакво едно решение ја избезумува власта и нејзините перјаници кои треба да знаат дека допрва ги чека главоболка пропорционална со степенот со кој се огрешиле спрема законите и народот на Македонија. Затоа ја повикувам Власта да не ги одложува работите, кочењето на професионалец за МВР, нема да го избегне неминовниот пораз, туку ќе го зголеми.
Вистината зошто го оспоруваат нашиот предлог за технички министер за Внатрешни работи треба да се бара во истата причина зошто претходно пуштија над сто закони во Собрание, повеќето за заштита на личните и лукративни интереси на врхушката на власт, или пак во тоа што го одбија предлогот за превремена ратификација на протоколот за членство во НАТО. Сето ова е само алиби, а вистината лежи во сознанието дека ќе загубат на изборите и тоа ги прави нервозни и тогаш најмногу грешат, се плашат, галамат, даваат отпор кон она што е неминовно. А народот ги чека да им го даде црвениот картон и не е прашање дали ќе паднат, затоа што ним им се бројани деновите во политиката – порача Мицкоски.

СподелиShare on Facebook
Facebook
Tweet about this on Twitter
Twitter
Email this to someone
email

Pressingtv.mk - содржините се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини со ставање хиперлинк до содржината што се цитира.

Comments are closed for this post.

Македонија

Во автобусите на ЈСП служен јазик е албанскиот (ФОТО)

пред 16 часа
Македонија

Не сакаат депонија туку чист воздух: Гостиварчани излегуваат на протест

пред 17 часа
Македонија

Дури и за Османи она што го бара Бугарија е премногу

пред 1 ден
Македонија

Ѓоргиев: Бугарија во македонската историја гледа закана

пред 2 дена
Македонија

Поранешната пратеничка Нада Ципушева потврди дека седницата на 27 април требало да продолжи следниот ден

пред 3 дена
Македонија

Змејковски: На 27 април немав никаква комуникација со Спиро Ристовски и Миле Јанакиески

пред 3 дена
Македонија

Стојан Миланов: Трајко Вељаноски правилно ја водеше конститутивната седница

пред 3 дена
Македонија

Талат Џафери бил зфатен: Ќе сведочи за 27 април на некое друго рочиште

пред 3 дена
Македонија

Се подготвува пресуда под диктат: Судот прифати 22 сведоци на Обвинителството, а ниту еден на Миле Јанакиески

пред 3 дена
Македонија

Јанакиески во 2013 година не бил член на ИК ниту пак координатор во Центар

пред 3 дена