Денеска, на Денот на македонската револуционерна борба, 23 Октомври, најголемата опозициска партија ВМРО-ДПМНЕ, точно на пладне ќе одржи протест со автомобили против, како што велат, мафијата на власт, а за правдата и слободата.
Спореде најавите, протестот ќе почне од две собирни точки во Скопје – СЦ „Борис Трајковски“ – општина Карпош, и СЦ „Јане Сандански“ – општина Аеродром, по што ќе финишира пред Собранието, каде што ќе се обрати партискиот лидер, Христијан Мицкоски.
По говорот, протестот со автомобили ќе продолжи од Скопје до Штип преку автопатот Гоце Делчев, а во Штип ќе заврши пред Учителската школа, каде што своевремено учителствувале Гоце Делчев и Дамјан Груев.
127 години ВМРО, 30 години ВМРО-ДПМНЕ. Денот кога почнува организираниот бунт против тиранијата, мигот кога почнува борбата за слобода, правда и своја држава. Денес ја имаме државата, но ја немаме слободата што ја сакаме, ја немаме правдата што ни е потребна, се бориме за националното чувство што ни го негираат, беше наведено во партиското соопштение преку кое се повикуваа граѓаните масовно да се приклучат на протестот.
Comments are closed for this post.