Туристички брод спаси двајца рибари од Костарика кои околу три седмици биле изгубени на отворено море. Рибарите биле спасени од туристичкиот брод „Царицата на морето“ за време на викендот помеѓу островите Гранд Кајман и Јамајка, пренесува Асошиејтед прес.

Како што се наведува, рибарите се спасени заради чиста среќа, со оглед на тоа дека не било предвидено туристичкиот брод да се движи по тој пат, но го променил правецот заради лошото време.

Рибарите ја напуштиле Костарика на 1 декември, а пловеле во чамецот бидејќи заспале и останале без бензин.