Сијамските близнаци од Бутан, Ниму и Даву стари 15 месеци, лекарите успешно ги раздвоија во болница во Австралија.

Главниот хирург изјави дека се надева дека девојчињата, кои биле споени со градите и карлицата, успешно ќе закрепнат.

Лекарите морале да го раздвојат црниот дроб на девојчињата, а најтешка задача била реконструкцијата на абдоменот. Операцијата траела шест часа.

Девојчињата и нивната мајка пристигнаа во Австралија минатиот месец со помош на хуманитарна организација, која заедно со државата Викторија ги покри трошоците за операцијата.


Девојчињата во болница ќе закрепнуваат седум дена. Лекарите од оваа болница во 2009 година успешно раздвои сијамнски близнаци од Бангладеш во операција која траела 25 часа.