СДСМ ја урниса македонската економија. Не сме на прав пат, а тоа го покажуваат и официјалните податоци и меѓународните институции како Светска Банка. Економските индикатори се катастрофални, а владата на чело со СДСМ ја води економијата и државата кон пропаст.СДСМ единствено донесе разочарување и мизерија како кај граѓаните така и кај стопанствениците. Дека СДСМ ништо не работи доказ е катастрофалната реализација на капитални инвестиции кои заклучно со август изнесуваат очајни 28,16%.Дополнително, СДСМ на чело со Зоран Заев ги задолжи граѓаните за скоро 600 милиони евра, но резултати во форма на капитални проекти скоро и да нема, велат од ВМРО ДПМНЕ.

Изградбата на патиштата стагнира, додека нови воопшто не се градат. Дека СДСМ воопшто не се грижи за инфраструктурата на државата кажува и фактот дека Македонија после 146 години остана без меѓународна железничка линија. Наместо да станеме држава со технолошки развиена и усовршена железница,државата со СДСМ стана железнички изолирана земја.СДСМ пред да дојде на власт ветуваше и гасификација но, ништо и од тој проект. Странските инвеститори ја заобиколуваат Македонија како дестинација за инвестирање токму поради фактот дека нема изградба на инфраструктури проекти кои се битни за стопанството и за развојот на државата. Познат е фактот дека компанијата „Фолксваген“ ја заобиколи Македонија и официјално објави дека ќе инвестира во Турција. Зоран Заев и СДСМ единствено се грижат да нивните бизниси растат, додека граѓаните и стопанствениците се оставени сами на себе, соопштуваат од ВМРО ДПМНЕ.