Да не запре поддршката за исплата на плата. Туристичките работници бараат Владата да не ги остави без помош за јануари и таа да биде исплатена навреме. Стравуваат дека ако се чека петтиот пакет мерки исплатата ќе доцни и вработените ќе останат без плата. Истото се случи и лани летото кога чекајќи го новиот пакет мерки бизнисот остана три месеци без државна поддршка.

Од овој сектор бараат да се зголеми и капацитетот со кој сообраќаат автобусите. Во моментов тие превезуваат со 50% капацитет, а со оглед на тоа дека епидемилиошката состојба се подобрува бараат да работат со 75 или 100% исполнетост. Авионите од стартот на кризата сообраќаат без рестрикции и се прашуваат зошто истото да не важи и за туристичките автобуси кои организираат тури како тие за Врање викендов.

Според проценките на туристичките агенции, обемот на работа во овој период е на ниво од 2% споредено со периодите кога состојбата беше нормална.