Ливерпул оствари тешка победа од 2:1 на гостувањето кај Саутемптон на „Сент Мери“ и екипата по првите две кола има целосна предност од шест бода.

Садио Мане му донесе предност на тимот од „Мерсисајд“ со феноменален гол во самиот финиш на првото полувреме, а Фирмино го удвои резултатот во 71. минута.

Почесниот гол за домаќините го постигна Ингс во 83. минута по грешка на Адријан. „Светците“ можеа дури и да се изедначат, но Ингс промаши веднаш по неговиот погодок.

Така, екипата на Јирген Клоп продолжи со добрте игри во последно време, бидејќи тимот играше одлично за „Комјунити Шилд“, иако загуби на пенали, а исто така играше силно и против Челзи за Европскиот Суперкуп и на стартот од Премиер лигата против Норвич .

Ова е 11-та последователна победа за Ливерпул во Премиер лигата и тимот го израмни рекордот за најголем број успеси по ред во елитата на Англија.