Повеќе од дванаесет британски министри планираат веднаш да поднесат оставка ако Борис Џонсон стане премиер следната недела, пишува весникот „Сан“.

Според весникот, освен Маргот Џејмс, заменик-министер за дигитализација, која се повлече вчера, ќе заминат и министерот за финансии Филип Хамонд, министерот за правда Дејвид Гок, министерот за економија Грег Кларк, за Северна Ирска, Карен Бредли, како и неколку помлади министри.

„Сан“ го насочува вниманието на вчерашното гласање во Долниот дом, според кое ќе биде невозможно идниот премиер да го распушти Парламентот во текот на есента и непречено да овозможи излез на Велика Британија од ЕУ на 31 октомври – со или без договор.

Весникот наведува дека ова гласање не е никаква „благородна заштита на демократијата“, туку средство за игнорирање на исходот од референдумот.