Силите на КФОР не сакаат да се мешаат во денешната акција на косовските полицајци. Оттаму велат дека операцијата е по налог на Обвинителството и се одвива на цело Косово не само на Северот и не е усмрена против Србите туку против лица обвинети за корупција и криминал – вели портпаролот на КФОР Винченцо Грасо.

Од КФОР додаваат дека ја следат состојбата и оти се во комуникација со Приштина и со Србија. Не сакаат да се мешаат се додека тоа не биде побарано од нив.

Состојбата во Косово од изутрина е тенична, се слушаат пукотници во Митровица, Зубин Поток и Звечани, а приведени се 13 Срби, додека тројца се повредени.