Напредокот што политиките на актуелната Влада го обезбедуваат мора да продолжи затоа што тоа е вистинскиот пат до подобар живот за пензинерите, но и за младите истовремено. Ова денеска го истакна кандидатот за претседател на СДСМ и Коалицијата Стево Пендаровски на средба со пензионерите. 

За да се постигне посакуваната цел, како што рече, мораме да продолжиме по вистинскиот и единствен пат, а тој води кон НАТО и ЕУ. Според него, тоа значи сигурност, безбедност и стабилност, но тоа значи и повеќе пари кај граѓаните.

„На овие избори ќе се судрат два концепта кои се многу спротивставени. Мојот концепт е напредокот, државата да биде дел од Европската унија. Другиот концепт е напредокот кој започна да се поништи и да се прекинат сите разговори со ЕУ и со НАТО и да се вратиме назад.Нашиот избор е напред, да одиме напред заедно“, рече Пендаровски

Тој посочи дека не смееме да се исцрпуваме со кавги и внатре и со соседите.

„Да му дадеме шанса на овој концепт кој ние го нудиме, да дадеме  ветер во грб на оваа политика, само тој е патот по кој може да одиме. Минатата година беше година на интеграции, а оваа е година на економијата, затоа што заслужуваме подобар живот, подобар стандард, нови и подобро платени работни места“, рече Пендаровски.

На средбата присуствуваше и членот на ЦО на СДСМ Мила Царовска, која рече дека како расте економијата така ќе растат и пензиите.