Поранешниот директор на БЈБ, Митко Чавков обвинет за насилството во Собранието од 27 април денеска во судница ги кажа завршните зборови. На почетокот тој рече дека долго размислувал дали да даде завршен збор.
Според него обвинителството не требало да води посебни случаи туку една и единствена предистражна постапка за 27 април, бидејќи како што потенцираше вистината за 27 април е една и не може да се склопи како мозаик од парцијални истраги.
Чавков посочи дека во 19 часот дал наредба на Наумовски, кој сега е сведок од застапникот на обвинението со сите расположливи сили да интервенираат во Собранието и да се пробијат силите до прес салата број 3 за заштита на нападнатите пратеници, новинари и полициски службеници, тој дополнително кажа дека околу 19.10 часот издал наредба на Пешов, додека трае интервенцијата внатре во Собрание да обезбеди дополнителни сили и наредба штом бидат подготвени веднаш да се приклучат кон интервенцијата која била во тек.
„Од доказите, очигледно е дека раководењето со операцијата за воспоставување на состојбата ја преземам лично јас уште пред мое пристигнување во штабот односно уште од самото прескокнување на заштитните огради, и од мене се издадени сите наредби за примена на полициски овластувања, вклучително и употребата на шок бомби во затворен простор кои придонесоа за спасување на пратениците, дислокација во безбедни простории, создавање услови со воспоставување коридор внатре и надвор од објектот за евакуација како и наредба за распоредување на дополнителни полициски сили. Со многу сведочења се потврди фактот дека сум клучен за спасување и воспоставување на состојбата во Собранието“, кажа Чавков во завршните зборови.
Comments are closed for this post.