Грчката влада објави конкурс за кандидати во Националната разузнавачка агенција, а еден од критериумите е познавањето на „македонски (јужнословенски)“ јазик, пишува „Катимерини“, а пренесува МИА.

Во Службен весник на 14 февруари 2019 година Министерството за заштита на граѓаните објави оглас за пополнување на 302 работни места во Националната агенција за разузнавање на Грција, а во одделот за преведување, толкување и сослушување, вработува 56 лица со познавање на: англиски, француски, германски, шпански, италијански, арапски, бугарски, еврејски, руски, турски и, како што пишува во огласот, „македонски (јужнословенски) јазик“.

Ова е првпат по ратификацијата на Преспанскиот договор да се споменува „македонски (јужнословенски)“ јазик, вели Катимерини.