Ќе се чека нов тендер за менување на котелот во Гинекологија Чаир

Сите надлежни институции се информирани дека во тек е постапката за реконструкција на системот за греење во Специјалната болница за гинекологија и акушерство „Мајка Тереза“ во Чаир – Скопје, изјавија за Пресинг ТВ од Министерството за здравство.

Изминатите денови јавноста беше сведок на видео снимки како од оџакот на болницата излегува црн чад, а денеска опомена со рок упати скопскиот градоначалник Петре Шилегов.

Од Министерството за здравство без да прецизираат дали ќе се ипочитуваат 30-те дена, за Пресинг ТВ велат дека реконструкцијата на котелот ќе се спроведе по завршување на сите постапки.

Информираме дека веќе е изработен основниот проект за реконструкција на котларата со нова машинска опрема со употреба на гас. Исто така, појаснуавме дека усвоен е годишниот план за јавни набавки и во тек е постапка за изработка на тендерска документација и објавување на тендерот. За ова се информирани сите надлежни институции. По завршувањето на сите постапки ќе се спроведе целосната реконструкција – велат од министерството.