Покраинскиот суд во Дортмунд денеска го осуди Сергеј В. на 14 години затвор, поради напад на автобусот со кој се возеле фудбалерите на германскиот прволигаш.
Судот го смета 29 годишниот Сергеј В. за виновен за обид за убиство во 28 случаи и за поставување експлозивна направа, се наведува во образложението на пресудата.
Во текот на 11 месечниот судски процес , судот утврди дека атентаторот го извршил нападот од ниски побуди. Германскиот државјанин со руско потекло изврши напад на автобусот на екипата на Борусија на 11 април 2017 , со надеж дека на тој начин ќе паднат акциите на тимот, зашто Сергеј В. се кладел дека тоа ќе се случи и очекувал да има материјална корист.
Во нападот , кој ја шокираше светскат јавност , беше повреден фудбалерот Марк Батра , како и еден полицаец од колоната што го придружувала автобусот додека возел кон стадионот каде требало да сд еодигра натпревар од Лигата на шампионите против Монако.
Тој тврдел дека немал намера никого да убие , а трите експлозивни направи ги поставил за да предизвика страв и паника.
Comments are closed for this post.