Претседателот на Собранието Талат Џафери вчера ја подели експертската јавност со она што го објасни за прашањето за гласање на доверба на владата кое почнува утре.

Тој објанува дека доколку не биде изласана недоверба на владата, односно каков и да биде исходот ова прашање не смее да се покренува во следните сто дена.

Но, дали е така

Ако ги погледнеме Уставот и Деловникот тоа е јасно прецизирано. Да, според Уставот точно е дека прашањето за доверба на влада не може да се постави пред истекот на 90 дена од последното гласање  „Последното гласање“ се клучните зборови“.

Но, никој не го спречува подносителот на барањето пред гласањето да ја повлече иницијативата.Во таков случај не може да се смета за неуспешен обид туку едноставно за повлечено навремено барање.

 

Ова е особено важно ако се знае на каков притисок се изложени пратениците од опозицијата кои најавија дека ќе гласаат за пад на владата и оти е можно во последен момент.

Политичка е изјавата на претседателот на Собранието Талат Џафери, а не правна, изјави за „Слободен печат“ пратеникот на Алтернатива Скендер Реџепи и најави дека во координација со ВМРО-ДПМНЕ денеска ќе подготват нова иницијатива за гласање на недоверба на Владата.

– Џафери може да дава политички изјави, но таа не е правно издржана. Неговата изјава правнички ќе се толкува. Во партијата наскоро пратениците на Алтернатива ќе ги стават потписите на новата иницијатива за гласање на недоверба на Владата и потоа во координација со ВМРО-ДПМНЕ ќе ја доставиме до пратеничките групи –  изјави Реџепи.