Најмалку осум лица се убиени, а дваесетина се ранети кога вооружен напаѓач отворил оган во кампусот на универзитет во рускиот град Перм. Според Би-би-си, сторителот е уапсен, а според други светски агенции тој бил убиен при нападот.
Напаѓачот, за кого официјалниот руски Комитет за истраги соопшти дека е студент на тој универзитет, утрово влегол во кампусот и почнал да пука.
Би-Би-Си пренесува дека студентите и професорите се забарикадирале внатре во зградата на универзитетот, додека некои скокнале од прозорците. Универзитетот утрово преку социјалните мрежи побара сите кои се во кампусот веднаш да го напуштат, доколку е можно, во спротивно да се затворат во училниците.
Според се уште официјално непотврдени информации, напаѓачот е 18-годишен студент Тимур Бекмансуров, кој наводно оставил порака на социјалните мрежи во киои го објаснува нападот. (МИА)
Comments are closed for this post.