Според последните податоци, Црна Гора е на прво место во регионот според бројот на новозаболени во последните две недели.

Епидемиологот на Институтот за јавно здравје (ИЈЗ), Марија Божовиќ, рече дека е рано да се зборува за помалку новoзаразени од коронавирусот и олеснување на епидемиолошките мерки во Црна Гора.

Божовиќ рече дека работната група на Институтот ќе разгледува нови мерки за кои ќе одлучуваат властите.

„Прерано е да се зборува за трендот на опаѓање на заразата. Бројките во последните неколку дена покажуваат благ пад, но тоа не ни значи многу за краток временски период во епидемиолошка смисла“, рече Божовиќ за подгорички „Дан“.

Таа додаде дека досегашните построги мерки дале резултати и дека не треба да се олеснуваат.