Ако авансот од 12,5 милиони долари е за 200.000 кинески вакцини, како што кажа Филипче дека потпишал договор во февруари, тогаш „Синофарм“ вакцина би чинела 62 долари, а Перу истата ја купил за само 26 долари.

 

Како е можно во случајот со „Стабри“, фантомската фирма од Хонг Конг со само тројца вработени, да се обезбеди оваа банкарска гаранција од 12,5 милиони долари и преку кој контакт оваа фирма станала партнер од доверба на министерот за здравство?

 

Дали во соработката со оваа фантом фирма Заев и Филипче виделе шанса за голем профит преку вакцините, прилика за провизија или повторно се работи само за перцепција на граѓаните – прашува Милошоски.