Болничкиот систем во Париз и неговиот регион е под голем притисок поради ширењето на варијантите на коронавирусите, но локалното заклучување за контрола на инфекцијата не е тема, изјави директорот за заразни болести во Министерството за здравство, Жером Салмон.

Заклучувањето во поширокиот регион во Париз не е на дневен ред“, изјави Салмон за радиото РТЛ.

Поради големиот број хоспитализирани пациенти, болниците откажале 40 проценти од планираните активности, пренесува Ројтерс.

Во последните 24 часа биле регистрирани 5.327 нови случаи на коронавирус, а други 259 лица починале.