Рускиот фонд за директни инвестиции поднесе барање за регистрација на руската вакцина „Спутник ве“ (Спутник V) во Европската унија на 29 јануари и има потврда дека барањето е примено, пренесува Спутник.

Се истакнува дека од Европската агенција за лекови зависи колку брзо ќе се одобри барањето.

Претходно, извор од Европската агенција за лекови објави дека консултациите со креаторите на руската вакцина „Спутник V“ (Спутник Ве) се завршени и дека сега можат да достават барање за регистрација на вакцината на пазарот на ЕУ. Претставникот на Европската агенција за лекови исто така објасни дека агенцијата сè уште нема добиено барање за регистрација од креаторот на вакцината и оти роковите за добивање на одобрение од ЕМА за пазарот на ЕУ ќе се дискутира по приемот на барањето.