Во поле на периферијата на Фиренца се пронајдени три куфери со остатоци од човечки тела, пишува агенцијата Аги.

Трагите од злосторството ги открил сопственикот на земјиштето.

Откако биле откриени првите два, а потоа и третиот куфер, полицијата ја пребарувала областа бидејќи се претпоставува дека може да има уште жртви.

Според првите процени, во првиот куфер има остатоци од маж на возраст од 40 до 60 години, кој според обдукцијата бил прободен со нож во грлото. Во друг куфер се наоѓаат остатоци од убиена жена.

Местото каде што се пронајдени куферите со исечените човечки тела е под автопатот Фиренца-Пиза, а медиумите пишуваат дека убиецот најверојатно ги фрлил куферите од патот во полето.

Остатоците од жртвите се во напредна фаза на распаѓање, па затоа е тешко да се одреди датумот на смртта.