Со незначителен напредок за учебниците и без договор за Гоце Делчев штотуку заврши дводневната работна средба на Мешовитата македонско-бугарска комисија за прашања од историјата и за учебниците, што по пауза од 10 месеци се одржа во Скопје.
На заедничката прес-конференција копретседателот Драги Ѓорѓиев изјави дека е постигнат договор во делот на учебниците, но дека се уште има многу за да се дојде до суштински договор.
Ѓорѓиев додаде дека не е постигнат конкретен договор за Гоце Делчев, но оти имало нови идеи,а за какви не соопшти. Тој, по дводневната средба на комисијата, рече и дека се надева дека во иднина ќе може да се дојде до поконкретни преговори.
-Сиво е и облачно со дожд, на моменти со малку сонце, што значи дека имаме многу мал напредок, но претставува основа за понатаму, нагласи од своја страна копретседателот на бугарскиот дел од комисијата, Ангел Димитров, додавајќи исто така дека нема успех во преговорите за прашањето за Гоце Делчев.
Тој истакна дека политичарите имаат своја патека, но оти историчарите се експерти, нагласувајќи дека во Комисијата не се водат преговори, туку научна дискусија врз основа на аргументи.
Димитров најави дека до крајот на годината ќе има уште една средба на Комисијата, зашто има уште многу елементи за кои што треба да стане збор. Димитров рече и дека е направен чекор напред во врска со празнувањето на 24 мај, Денот на сесловенските просветители, празникот што Бугарија сака да го прогласи за бугарски.
Comments are closed for this post.