Во организација на Амбасадата на САД денеска  од 09.00 до 13.00 часот ќе се одржи трката со пречки „Трчам да се сеќавам“. Трасата на движење ќе биде од пред Амбасадата до Градскиот стадион и назад.

Поради тоа, како што соопшти МВР, ќе биде воведен посебен сообраќаен режим на дел од улицата „Лазар Личеноски“, од крстосницата со улицата „362“ до крстосницата со улицата „Самоилова“. Притоа, сообраќајот ќе се пренасочува по околните сообраќајници.

МВР апелира граѓаните да ги почитуваат наредбите што ги издаваат полициските службеници по сообраќајниците каде што ќе се одвива трката.