Познатиот  трговски ланец „Маркс и Спенсер“ е  изваден од листата на најголеми британски компании. Тоа е практично крајниот удар за некогаш моќниот гигант, кој е во групата гиганти од  1984 година.

Во текот на изминатата година, паднаа и цената на акциите за 40%, а последна надеж за компанијата  беа во  секторот за храна, но и овде компанијата почна да тоне поради долгови, пренесува Б 92.

Ова е крај на една ера за британската трговска икона. Нивното излегување од списокот FTSE 100 е само уште еден удар за веќе пропаднатиот гигант“, рече трговскиот експерт Ричард Хајман.

Компанијата објави дека до 2020 година ќе затвори повеќе од 100 планирани места. Само минатата година, тие затворија 85 стоковни куќи и 25 продажни места на Симпли Фуд.

Инаку, М &С беше првиот британски трговски ланец кој оствари  добивка од милијарда фунти пред одданочување  пред 20 години.

Експертите велат дека најголемиот проблем на компанијата е нејзината бавност. Поради нивната неспособност да се прилагодат на новите трендови, компанијата се соочува со зголемена конкуренција која сега ќе биде тешко да се победи. Додека Примарк стана голем конкурент во областа на физичките продавници, АСОС, од друга страна, им предизвикува големи проблеми во областа на продажбата на Интернет.