Секој за кого има наводи дека ја злоупотребил довербата на јавноста, мора да сноси одговорност, истакнуваат од Амбасадата на САД во Скопје за „360 степени“, поддржувајќи ја одлуката на Обвинителството да ги истражи сите наводи за корупција и да ги гони во согласност со законот.

Ова е причината зошто е решавачки да се донесе законот за јавното обвинителство, како дел од поголемите напори за градење и зајакнување на одржливи институции засновани на владеење на правото. Ова ќе осигура дека СЈО може да продолжи со својата важна работа и да ги продолжи своите случаи без прекин, велат од Амбасадата на САД.

За САД е важно да се потенцира дека Специјалното јавно обвинителство игра важна улога во напорите на Северна Македонија да ја покаже посветеноста на земјата за независно судство и одговорност за минатите криминали и корупција.