Ураганот Роуз, што се формираше во водите на Тихиот Океан западно од Мексико, се засили во бура од трета категорија, во чиешто жариште дуваат ветрови со брзина од 205 километри на час.

Ураганот се наоѓа на околу 900 километри од мексиканската сојузна држава Долна Калифорнија и се движи кон брегот со брзина од 17 километри на час.

Се очекува во текот на викендот ураганот да донесе силни дождови и ветрови во Мексико и југозападните делови на САД.

Мексико веќе се соочи со поројни дождови на северот на земјата во кои загинаа 12 лица, а уште 12 се исчезнати.