Еврокомесарката за правосудство, потрошувачи и еднаквост на половите, Вера Јурова, и даде рок на компанијата Фејзбук до крајот на годината да постапи во согласност со прописите на ЕУ за заштита на податоците. Во спротивно, како што најави Јурова, американскиот медиумски гигант ќе се соочи со сериозни санкции.

Мојата стрпливост дојде до крајна граница. Иако од Фејзбук ме уверуваа дека до декември конечно ќе ги прилагодат сите преостанати измамувачки услови за користење на нивните услуги, се покажа дека тоа трае премногу долго. Сега е време за акција, а не за ветувања. Ако потребните измени не се имплементираат во целост до крајот на годината, ќе ги повикам властите за заштита на потрошувачите да делуваат брзо и да ја санкционираат компанијата – се наведува во соопштението на Јурова.


Ова предупредување на еврокомесарката е доста заострена нејзина порака во однос на таа во февруари, кога им порача на Фејзбук и на другите платфрми за различно социјално вмрежување дека мора да ги почитуваат правилата.