Американскиот претседател Доналд Трамп најави на Твитер дека на митинг на 18 јуни во Орландо официјално ќе ја објави кандидатурата за втор мандат во Белата куќа.

Ќе објавам дека влегувам во претседателската трка за втор мандат, во присуство на првата дама Меланија, потпретседателот Мајк Пенс и втората дама Карен Пенс, на 18 јуни во Орландо, на Флорида, во „Амвеј центарот“ кој има 20.000 места. Придружете ни се на историскиот митинг, напиша Трамп на Твитер.


Тој притоа приложи линк до неговата официјална веб-страница каде што може да се купат билети за овој настан.

На линкот е наведено дека со регистрирање со приложен мобилен број може да се купат две влезници, но не се наведува нивната цена.