Европскиот астронаут, Александар Герст, којшто е дел од посадата на Меѓународната вселенска станица објави слики од најновиот супертајфун, Трами, што се формира во западните делови од Тихиот Океан. Германецот ги објави на својот твитер профил, коментирајќи дека неверемто изгледа како „некој да извлекол огромен чеп од нашата планета“.

Гледаме уште едно големо невреме. Тајфунот од петта категорија незапирливо се движи кон Јапонија и Тајван. Погрижете се за вашата безбедност, вие доле“ – напиша астронаутот.


Моменталните прогнози велат дека тајфунот ќе го погоди северниот дел од Тајван и јапонскиот архипелаг острови  Рјукју. Невремето е проследено со ветер од 140 километри начас, но се очекува дека за четири дена, за кога е предвидено да ја погоди Јапонија, нејзиниот интензитет ќе опадне на категорија 4.