Педесет загинати и најмалку двесте луѓе се исчезнати откако во петокот пукна рударска брана во југоисточниот дел на Бразил, што предизвика и страв од ширење отровен отпад и можно загадување на животната средина.

Немаме повеќе детали бидејќи сè се случи многу брзо, изјави Авимар де Мело, градоначалник на најблискиот град Брумадинхо.

Бразилската телевизија емитуваше снимки од преживеани кои на сигурно биле пренесувани со хеликоптер по катастрофата во рудникот Феијао, во близина на градот Брумадинхо, на два часа од главниот град на државата, Бело Хоризонте.

Меѓу исчезнатите се и стотина рудари, кои во моментот на катастрофата ручале во административниот дел на рудникот, од каде биле однесени од надојдената вода, изјави бригадирот на пожарникарната служба Педро Аихара.

Видео снимки кои се споделуваат на социјалните мрежи прикажуваат домови затрупани во кал, а делови од градот се евакуирани.


Претседателот Жаир Болсонаро напиша на Твитер дека жали поради овој инцидент и информира дека испратил тројца министри во таа област.