Во 2018 година Холандија регистриран е рекорден број сомнителни финансиски трансакции.

Станува збор за пари што се користат, на пример, за финансирање тероризам или големи суми пари што се пренесуваат во странство за да се „перат” преку холандски банкарски сметки, објави холандската телевизиска станица НОС.

Според информациите објавени од страна на холандското финансиско разузнавање (ФИУ), речиси 58.000 трансакции се класифицирани како сомнителни, со вкупно над 9,5 милијарди евра. И вкупниот износ на сомнителни трансакции е значително повисок отколку во 2017 година, кога изнесуваше 6,7 милијарди евра.

Најголем број сомнителни трансакции вклучуваат перење пари, финансирање тероризам и измама.

Холандската финансиска разузнавачка служба доби најмногу пријави од банки, трговци, казина…

Најосомнителните трансакции беа пријавени од страна на банките.

Минатата година холандската банка ИНГ плати парична казна од 775 милиони евра токму поради тоа што системот за откривање на сомнителни трансакции не беше доволно ефикасен, по што банката вети дека ќе го подобри.

Во моментов не е познато колку откриени сомнителни трансакции довеле до откривање и апсење на одговорни.