Хонгконг започна да ги „заклучува“ блоковите згради без предупредување, во контроверзната стратегија за спречување на ширењето на ковид, објави „Би-би-си“.

Во изминатите 10 дена, полициските одреди во Хонгконг започнаа блокада во стил на заседа, како што опиша „Би-би-си“, со затворање на улиците за да ги одделат зградите една од друга и нивните станари, принудувајќи секој да се тестира или да плати 645 долари.

Во вторникот, владата рече дека полицијата може да влезе во станови и насилно да ги евакуира луѓето доколку одбијат да бидат тестирани.

Владата на Хонгконг ја бранеше својата стратегија и рече дека ќе продолжи да го прави истото, и покрај критиките дека предизвикува вознемиреност и тревога кај граѓаните и изјави дека меѓу 10 000 тестирани пронашле неколку десетици заразени лица.