Централната банка на Германија предупреди дека германската економија ќе влезе во рецесија во третиот квартал поради драстичниот пад на индустриското производство, што се должи на тензиите на меѓународните пазари.

Економијата може повторно лесно да се намали ова лето – се наведува во месечниот извештај на централната банка на Германија.

Документот покажува дека е забележан пад од 0,1 процент на бруто домашниот производ во вториот квартал од оваа година.

Финансиската институција посочува дека „според актуелните податоци, се очекува индустриското производство да се намали и во тековниот квартал“.