Според анализата на сателитските снимки и податоците објавени од веб-страницата „Медуза“, најмалку 12 системи за воздушна одбрана, претежно ракетни системи земја-воздух „Панцир-С1“, се распоредени околу резиденцијата на рускиот претседател Владимир Путин во Националниот парк Валдај (Новгородска област).

Овие системи беа поставени околу комплексот за да ја заштитат резиденцијата – која е далеку од фронтовската линија, но е дополнително зајакната поради сè почестите закани од беспилотни летала и други воздушни напади.

Првата станица за воздушна одбрана беше забележана уште во јануари 2023 година, а со текот на времето бројот на вакви системи значително се зголеми: додека претходно имаше само два системи, сега има 12 од нив – што, за споредба, е само пет пати помалку од бројот на системи за воздушна одбрана околу самата Москва и Московскиот регион.

Резиденцијата, патем, се наоѓа околу 550-600 километри северозападно од Москва, односно 600 километри источно од најблиската граница со Украина. Најблиските украински региони се Суми и Харков.