Две лица загинаа при уривање на две нелегални згради во западниот дел на бразилскиот град Рио де Женеиро. 

Причина за уривањето на зградите се неколкудневните поројни дождови и поплави во кои животот го загубија десетина лица.

Две лица загинаа, други две се повредени, а спасувачите се уште бараат преживеани под урнатините – соопштија од спасувачките служби.

Како што соопштија од канцеларијата на градоначалникот на Рио, не е официјално позанто зошто зградите попуштиле на дождот, но дека најверојатно станува збор за несоодветната изградба на двете четирикатници, во кои живееле најмалку четири семејства.

Поради лошата инфраструктура, уривањето на зградите не е реткост во посиромашните региони на Бразил.


Поради интензивните неколкуденевни врнежи, голем дел од улиците на Рио беа поплавени, што беѓе причина во градот да биде прогласена вонредна состојба.