Германскиот тенисер Александар Зверев со рекет удри неколку пати во судиското столче и замавна кон судијата, откако беше поразен во првото коло во двојки на турнирот во Акапулко.

Зверев три пати удира во судиското столче, седнува, а потоа го навредува судијата, по што уште еднаш го удира со рекетот во столчето. Зачудениот судија во страв брзо се симнува од столот и го напушта теренот.

Од трибините се слушаа свирежи на навивачите, додека луѓето околу германскиот тенисер пристојно се оградија.

Поради своето однесување на крајот од мечот во двојки, Зверев беше исфрлен од турнирот во Акапулко“, соопшти Здружението на тениски професионалци (АТП).