Најтрофејниот македонски фудбалски клуб Вардар од денес е посилен за двајца нови играчи.

– Фахад Азиз Бајо и Муса Раматан се најновите аквизиции на нашето раководство, со кои ќе атакуваме на највисоки дострели во актуелната натпреварувачка година, објави ФК Вардар.

Бајо кој потпиша на две години е напаѓач од Уганда, има 27 години, минатото беше дел од Вишков од Чешка, Ашдод и Бнеи Сакнин од Израел. 

Дваесет и тригодишниот Раматан кој потпиша тригодишен договор, игра на позицијата стопер, исто така настапуваше за Вишков во Чешка, а има искуство и од Синсинати 2 во САД. Последен клуб му беше Волвало Адиграт Универзитет од Етиопија.

Двајцата репрезентативци на Уганда, сонародници на Роџерс Мато, ја минаа последната полусезона од минатата сезона во клубот од Етиопија