Поранешниот голман на фудбалската репрезентација на Македонија, Јане Николоски од денеска е нов тренер на прилепска Победа.

По лошите резултати и четирите порази едно по друго во Првата лига денес актуелниот тренер Тони Мегленски беше отпуштен. Николоски има искуство како тренер на Хоризонт Турново, а пред да седне на клупата на Победа беше спортски директор на клубот.

Во кариерата тој има настапувано за Победа, Пелистер, Слога Југомагнат, Напредок, а во странство ги носеше дресовите на Аполон Каламарис, Славија Софија, Персеполис, Славен Белупо, АПОЕЛ и АЕЛ Пафос.

Прилепскиот тим во моментов го зазема осмото место на табелата со 17 бода од 17 натпревари, на само два од последниот Силекс.